جواب:

یہ حقیقت ہے کہ غیب کا علم صرف اللہ کو ہے اور رہی بات رحم مادر کے اندر جنس کا معاملہ سورۂ لقمان آیت نمبر 31 تا 34 میں ہے ان الله عنده علم الساعة وينزل الغيث ويعلم ما في الارحام کہ رحم مادر کے اندر جو چیز ہے اس سے اللہ ہی واقف ہے اس کا مطلب یہ ہے کہ رحم میں حمل ٹھہرنے کے بعد ابتدائی مراحل میں جب نطفہ علقہ اور مضغہ کے شکل میں ہوتا ہے تو کوئی بھی سائنسداں (scientist)جنس بتلا نہیں پائے گا۔ پھر جب بچہ کی شکل و صورت بن جائے اس کے بعد آلات کے ذریعہ معلوم کرنا ایسا ہی ہے جیسا کہ آپریشن کے ذریعے پیٹ پھاڑ کر جنس بتلانا۔ حالانکہ یہ اسباب کے بغیر معلوم کرنے کی نفی ہے اور ایسے واقعات بھی وجود میں آئے ہیں کہ ڈاکٹر کی رپورٹ کے خلاف نتیجہ نکلا ہے معلوم ہوا کہ ڈاکٹری رپورٹ بھی حتمی اور یقینی نہیں ہے لہذا اللہ کا کہنا بالکل درست ہے۔